— 1327 —
temennja sendiri, dalem pakerdja'an mana tjoema maloeloe ingin dapet oepa seratoes tail perak jang di djandjiken oleh pembesar negri di itoe tempat. Tapi apa tjilaka pakerdja'an itoe boekan membri kaoentoengan, hanja berbalik satoe karoegian; boekan sadja ia tiada dapet trima itoe oewang oepa'an, malah istrinja sendiri soeda djadi binasa kena korban kaki koedanja Tjo Kongtjoe.
Perboeatannja Wie Sioetjaij begitoe lekas telah dapet diketahoei oleh tetangga-tetangganja, jang kamodian lantas tersiar di sadalem kota. Rata-rata semoea orang tjela perboeatannja itoe, brapa orang antaranja telah kata dengen berdepan, kasi oendjoek kasesatannja Wie Sioetjaij dalem itoe perkara.
Roepa-roepanja hal itoe bikin Wie Sioetjaij merasa sanget maloe, maka pada satoe waktoe dengen diam diam ia telah oendoerken diri dari itoe tempat dengen tiada ketaoean ka mana perginja.
Yauw Sian tinggal sendirian di roemanja.
Tatkala terbit kariboetan dari orang-orang pendjahat di goenoeng Yauw Taij, tempo itoe Yauw Sian djoega telah toeroet melariken diri bersama orang banjak.
Paginja ini gadis jang baek telah sampe pada satoe oetan besar jang ia sendiri tiada taoe di
