— 1311 —
Keng berdoea tentoe nanti bekerdja dengen soenggoe hati, serta tiada lama aken mengasi kabar jang menjenangken, atas asilnja angkau poenja pakerdja'an."
„Itoe doea kapala prang laloe manggoetin kapalanja dan kata: "Menginget Baginda soeda menaro kapertjajahan begini besar, itoe sadja tjoekoeplah boeat hamba simpen di hati dan nanti bekerdja dengen soenggoe-soenggoe hati. Hamba djoega ada mengandelken bagi Baginda ampoenja redjeki besar, jang mana selekasnja itoe kekaloetan dapet di bikin aman, dan semoea panglima prang dengen slamet bisa balik kombali."
Baginda sigra toewang doea tjawan arak, satoe tjawan ia kasiken pada Bong Loan, satjawan poela di kasiken pada Boen Pa, serta oetjapken perkata'an-perkata'an jang menjenangken hati, boeat mana oleh itoe doea Generaal lantas di oetjapken trima kasi.
Sasoedanja Baginda silaken ia Grang moendoer, Bong Loan sigra membri hormat pada Lu Kok Tjaij, seraja membri slamet tinggal.
„Akoe bantoe doaken, kau nanti beroentoeng dalem peprangan pada moesoe," kata itoe dorna, „akoe di sini tiada bisa membri bantoean apa-apa, tjoema akoe harep mantoekoe soeka berlakoe ati-ati, dan djangan mengandelken kakoeatan dan kepandean sendiri lantas pandang ringan pada moesoe."
