— 1305 —
maoe poelang, akoe maoe toeroet padamoe di mana kau pergi! Apa perloe akoe ikoet dari roema, kaloe sampe di sini di soeroe poelang kombali ?"
Di sini terbit perbantahan moeloet satoe melarang, laen fihak memaksa, baek djoega Tjo Goan-swe kaboeroe dateng, jang sasoedanja taoe begimana asal moelanja itoe perbantahan, laloe mendamiken seraja berkata: Toeroet akoe poenja pikiran. Djim Ko tiada mendjadi halangan apa-apa boeat mengikoet sama Hiante. Lagi koetika maoe brangkat Wan-gwe mamesen, biarlah ia toeroet dalem kita poenja perdjalanan, maka harep Hiante tiada membanta poela."
Song 'In apa boleh boeat toeroet perkata'annja Boen Pa, dan prenta itoe doea pengikoet tjepet poelang aken sampeken ia poenja soerat pada Sian Wan-gwe.
Liwat bebrapa. hari kamoedian, Lam dan Pak Djiwie Taij Goanswe masing-masing komendir doea ratoes riboe soldadoe dan tempatken itoe tentara di loear kota. Kamoedian Bong Loan prenta orang bawa soeratnja ka gedong Tjo Goanswe, minta itoe kepala prang dateng di gedongnja.
Tiada lama orang di oendang telah dateng, jang sasoeda satoe sama laen membri hormat dan berdoedoek, Boen Pa lantas menanja: „Akoe telah trima Hengtiang poenja soerat oendangan
