— 1254 —
poetranja Generaal prang jang termashoer, maka dalem perdjalanan tentoe djoega ia bakal dapetken pangkat dan kaloe kedjadian begitoe, boeat ia gampang sekali dapet 1 djalan aken tjari pada Ko Kong, ketemoe itoe ajah dan anak satoe sama laen.
Satelah dapet itoe pikiran, diam-diam si Gagoe benaken pakeannja, teroetama ia poenja pake-pakean doeloe, koetika ia mendjaga koeboeran.
Besoknja, koetika Song In dan Tjo Kongtjoe soeda bersedia aken brangkat djalan, si Gagoe poen lantas tengteng boengkoesannja berdjalan kaloear, sedeng istrinja liat begitoe lantas boeroe-boeree menghamperi dan menanja ia maoe pergi ka mana.
Dengen ah-ah oeh-oeh Sioe Tji menoendjoek ka djoeroesan Salatan dan dengen itoe tjara ia seperti maoe membilang: "Akoe maoe toeroet pergi ka kota radja."
Koetika sampe di depan, dengen tiada kata apa-apa si Gagoe lantas naek ka atas kandaran dan doedoek di depan. Sioe Djin meliat begitoe lantas menghamperi, ia kowet tangannja si Gagoe dan laloe menanja sembari kasi liat gerak-gerakan tangannja: Kenapa Djite doedoek di sitoe? Samte maoe pergi ka kota radja, apa kau maoe toeroet pergi ka sana?"
Gagoe kita manggoetin kapálanja.
„Akoe rasa Dji-Ko tiada oesa toeroet dalem ini
