— 1235 —
noetoerken pikirannja, sebab apa maka ia trima itoe lamaran. „Kau taoe, Lu Sinsiang ada 1 pembesar jang berkwasa dari jang laen laen, dan ada djadi Baginda poenja orang kapertjaja'an; pem- besar-pembesar jang bekerdja di dalem dan loear negri kaloe ingin pangkatnja ditamba, semoea dateng minta pertoeloengan padanja. Djikaloe itoe kahendak boeat ambil mantoe akoe menolak, sekali poen tiada banjak, sedikitnja ia bisa dendem hati, dan apa ia maoe dengen dirikoe, tentoe djoega bisa mendjadi. Jang membikin akoe trima itoe perminta,an, jalah sekedar boeat toeloeng kita poenja diri selama ini. Nanti kaloe akoe soeda berboeat apa-apa bagi goenanja negri, Lo Ya soeda bisa diangkat dari kasoesahannja, baroe kita berdami bagimana baeknja.“
Tjeng Bwe merasa girang dan poedji nonanja poenja katjerdikan.
Esoknja Lu Kok Tjaij telah kirim banjak barang bingkisan ka gedong Tin Kok Hoe, sedeng sorenja ia kirim soerat oendangan, minta Kou Goanswe dateng di gedongnja aken doedoek berdjamoe.
Bong Loan trima itoe oendangan dan dateng di gedong Sianghoe, di mana selaennja di temenin oleh Lu Kok Tjaij djoega sama banjak pembesar laen, jang mendjadi komplotnja itoe dorna.
Liwat bebrapa [hari, kombali Lu Sinsiang kirim
