— 1233 —
meninggal doenia koetika oemoer delapan taon.
Sigra djoega itoe dorna telah ambil poetoesan dan maoe kirim orang boeat bitjaraken itoe perdjodoan. Begitoelah pada satoe hari, selagi Bong Loan dan Tjeng Bwe doedoek berdoea'an pengawal pintoe masoek kasi taoe, Lu Sinsiang ada kirim orang boeat minta bertemoe padanja.
Lu Kok Tjaij taro pengharepan aken poenja saorang mantoe jang tjapkep dan bidjaksana. - Berhadepan dengen moesoe Ko Siotjia tjari taoe hal orang toeanja.
Tatkala orang wartaken itoe perkara Bong Loan begong sabentaran selakoe orang merasa heran.
Ia pandang moekanja Tjeng Bwe dan laloe menanja; „Lu Sinsiang baroe kenal padakoe, sekarang ia kirim orangnja dateng kemari, tentoe djoega ada mengandoeng maksoed apa-apa."
„Orang maoe bikin perkenalan tiada djahatnja, akoe rasa Siotjia tiada merasa keberatan boeat samboet itoe orang soeroean." kata Tjeng Bwe.
Bong Loan taoe Lu Kok Tjaij itoe ada dorna besar dalem diwan karadja'an, tapi sebab djadi koerang baek kaloe ia tiada samboet oetoesannja sebagimana moesti, maka ia lantas kaloear dan ketemoeken itoe orang. Sasoedanja satoe sama
