— 1221 —
rentah-balatentara, satoe bagian dipili orang-orang jang gaga,pande ilmoe silat, doedoek koeda, goenaken berbagi-bagi alat sendjata teroetama hal memana. Pada orang jang ternjata gaga, pande berpikir dan laen laen lagi, orang itoe aken di seraken tjap Goanswe, sedeng pada orang jang tjoema pande, gaga tapi koerang tipoe daja, tiada dapet hak sama itoe kabesaran, katjoeali pangkat laen jang nanti di poetoesken oleh Dji Lam Ong. Pertama angkau sekalian di silaken oendjoek kepandean memana. Itoe tanda mera di pinggir lapangan, seratoes tindak djaoenja dari sini, moesti kena dipana beroentoen tiga kali, doea kali dan sekali baroe bisa dapet poedjian. Djoega dipringetken, dalem ini pengoedjian orang tiada boleh berlakoe tjoerang, tiada boleh bikin loeka atawa tiwasken orang poenja djiwa; siapa-siapa jang tiada mendenger atoeran, orang itoe aken dapet hoekoeman mati."
Satelah pembitjara'an itoe sampe di achirnja lantas di samboet sama boenjian meriam satoe kali, di pasang ka doea kalinja, jalah dimoelai boeat itoe orang-orang kasi liat marika poenja kepandean dalem perkara memana.
Ini pengoedjian telah berachir dan tjoema be-brapa blas orang sadja jang haroes dapet poedjian. Ada jang beroentoeng telah mengenaken tiga kali, ada jang doea kali dan sekali, sedeng jang
