— 1211 —
pikir, Heng Hoa tiada moesti terbawa-bawa dalem
ini oeroesan, jang soeda terbit dari lantaran latjoernja ia poenja diri, ia banta bitjaranja itoe boedak
dan kata: "Taijdjin djangan pertjaja adekoe poenja pengakoean, ia roepanja soeda djadi lingloeng!
Sabenernja Hok Siangkong akoe jang ratjoenken,
maka akoe jang moesti trima hoekoeman!"
„Siapa bilang kau jang ratjoenin? Akoe jang ratjoenin!" Heng Hoa oetjapken itoe perkata'an dengen menangis. Koetika akoe lakoeken itoe perboeatan kau lagi tidoer, kau sama sekali tiada dapet taoe satoe apa,"
„Mana boleh, akoe jang bikin ia djadi mati! Akoe taro sakit hati padanja lantaran ia soeda djoestaken akoe, ia soeda djoestakenl akoe maoe didjadiken istri jang toea, tapi siapa taoe koetika sampe di sini maoe didjadiken goedik!"
Sateroesnja itoe nona dan boedak satoe sama laen bereboet kadosa'an. Jang satoe bilang la jang ratjoenin, jang laen poen kata begitoe djoega, hingga hal itoe membikin Tikoan merasa soeker aken membri poetoesan.
Tikoan lantas prenta oppasnja boeka doeloe iketannja Yoe Siotjia dan kasi mengarti, ini perkara tiada boleh saling mereboet, kerna orang jang tiada berdosa bisa kadjeblos dan dapet hoekoeman.
„Sekarang kau moesti mengasi katrangan, begimana kau soeda taro itoe barang kotor dan di
