— 63 —
Kiongtjoe Nio-nio bawa dia poenja soldadoe masoek di kota.
Serenta radja Po Kong Ong dengar kabar dia mendjadi kaget boeka swara berkata kapada To Hong: he kenapa kita poenja anak hati besar, dia soeda tinggal Oeij Liong Nio troes dateng disini dan disana ada siapa jang djaga slempang dapet tjilaka ?
To Hong menjaoet: ja radja hamba blon taoe Kiongtjoe ada niatan apa bole panggil dia masoek ke dalem
Radja lantas prenta orangnja aken samboet Kiongtjoe, disitoe segala ambtenaarnja trima prenta semoea kloear papakin.
To Louw Kiongtjoe dengar bapanja pangil dia mengadep di depan kraton Gin Loan Tian berkwi dengan berkata: pangil Hoe Ong Tjianswe Tjiantjianswe
Serta radja liat lantas berkata: Ongdj bole bangoen, Ongdji soeda sampe di Oeij Liong Nia apa Ongdji pake akal apa boeat kasi moendoer, kenapa Ongdji tiada maoe tahan dengan djaga kras disana dan Ongdji bawa soldadoe dateng disini disana tentoe djadi kosong djikaloe moesoe kena ambil Oeij Liong Nia begimana?
To Louw Kiongtjoe menjaoet: ja Hoe Ong saja ada poenja tipoe boeat djaga ini kota harep djangan boeat slempang kendati moesoe pinter en
