— 5 —
lantas sentak: he kau lekas pegi kasi taoe sama Louw Tjauw Han dia bole djaga baik-baik, dalem 100 hari lamanja akoe kirim soldadoe ambil dia poenja kepala. Tjioe Bang trima prenta lantas kloear boengkoes idoeng dengan koepingnja jang telah di potong, troes naek koeda laloe berdjalan menoedjoe ka-negri Pak Hoan.
Radja Lie Sie Bin berkata pada Tjie Bouw Kong: itoe Kong Ong koerang adjar, disini blon kirim soldadoe dia brani kirim soerat minta berprang, lagi sekarang begimana baiknja?
Koensoe Tjie Beuw Kong menjaoet: ja Radja, biasanja negri besar poekel Negri ketjil, dimana negri ketjil brani kirim soerat pada negri Besar minta berprang, tadi malem hamba liat Bintang di langit di sebla ilir naek hawa ada alamatnja bakal berprang, ini hari ada soerat dateng, sampe 100 hari boie kirim soldadoe aken poekoel itoe negri. djangan toenggoe dia dateng lebi doeloe.
Maka Radja berkata: ja akoe toeroet sadia. Koensoe poenja atoeran, kapan begitoe djangan lama lagi, lantas Radja pangil Tjin Siok Po, prenta besok pagi koempoelin soldadoe dengan kepala prang adjar baris di tana lapang, 15 hari poenja lama, sehabisnja baroe maee di pake boeat berprang.
Tjin Siok Po trima prenta laloe atoer di la-
