— 58 —
satoe orang prampoean bernama To Louw Kiong tjoe, ini To Louw Kiongtjoe ada mantri dari radja Pak Hoan poenja anak, kerna merika itoe bapanja liat dia pande bisa atoer soldadoe mengarti atoer barisan peprangan dengan koeat dan Ġisiauwnja tamat serenta roepanja kliwat bagnes, dengan radja Pak Hoan lantas poengoet anak, ada 10 bagian radja poenja tjinta hati troes di bri pangkat panglima prang.
Itoe hari To Louw Kiongtjoe lagi berdami pada orang-orangnja boeat lawan pada moesoe kebetoelan ada boedak prampoeannja kasi taoe jang di loear ada orang dari kota Ya Ma Tjoan minta ketemoe, dan To Louw Kiongtjoe bilang soeroe dia dateng; itoe orang dateng dengan berkwi berkata: ja Kiongtjoe Nio-nio, tjilaka, kota Ya Ma Tjoan kena radja Lie Sie Bin soeda ambil, besok pagi dia maoe poekoel ini Oeij Liong Nia.
Serenta To Louw Kiongtjoe dengar itoe kabar dia kaget moekanja sampe poetjet dengan berkata; he Liat Wie Tjiangkoen itoe hari tempo dia dapet kota Pek Liang Koan kita orang tiada kwatir, sekarang kliatan merk, Tong Tiauw" poenja bala tantara gaga perkasa dia berprang sama djoega potong bangboe, ini bari ambil Gin Leng Tjoan besok ambil Ya Ma Tjoan tiada antara lama dia soeda ambil 4 kota, djikaloe ini Oeij Liong Nia pelja kota Bok Yang Shia soesa boeat di tahan.
