— 55 —
toeroen iblis, djikaloe kita ada poenja seriboe soldadoe nistjaja abis semoea kena dia poekoel djadi aboe.
Setela radja dengar lantas berkata: itoe orang djampenja mandjoer dan angker begimana kita sekarang?
Disitoe ada koensoe Tji Bouw Kong berkata: ja radja djangan soesa hati, itoe Yauw To poenja djampe sebab ada radja dateng sendiri bole bikin loemah dia poenja djampe, itoe troesa slempang, besok pagi bole madjoe berprang tentoe bole menang.
Komedian Oetti Po Lim berkata: ja kaloe begitoe nanti besok pagi hamba jang mengadep minta berprang.
Komedian pada besok paginja Gwanswe Tjin Siok Po prenţa boenjiken tamboer doedoek koempoelin. barisan ke kanan pada berdiri, dan Oetti Po Lim sedia pakean prang naek koeda trima prenta lantas kloear, dan tadi Oetti Kiong dengar anakuja berkata itoe moesoe Yauw To kliwat lihaij, lautas Oetti Kiong minta idzin kapada Gwanswe aken toeroet bersama-sama kloear.
Gwanswe Tjin Siok Po djoega berkata: akoe soeda taoe moesoe Lihaij akoe djoega berame pada bala tantara maoe kloear boeat liat Yauw To begimana dia poenja kebisahan, serta berame
