— 53 —
Radja berkata: ja Gitit poenja Konglo (gandjaran boekan sedikit, disitoe radja prenta bendera radja Po Kong Ong toeroenin dan di ganti oleh bendera Merk „Taij Tong Tiauw", brenti 3 hari poenja lama boeat piara koeda, dan orang-orang memoedji jang Oetti Po Lim poenja kepinteran, bertamba Oetti Kiong ada lebi girang dari pada jang laen.
Komedian liwat 3 hari, kasi berboenji meriam, bala tantara brangkat menoedjoe ke kota Ya Ma Tjoan. Itoe tempo ada satoe soldadoe dengan goegoep kasi lapoer ke kota Bok Yang Shia, Radja Pak Hoan dengar mendjadi kaget laloe panggil mantrinja jang bernama Hwa Ti Peng Tjiang dan Ouw La lagi sekalian ambtenaarnja aken berdami.
Disitoe radja Pak Hoan menanja: he kau berame. sebab moesoe soeda ambil 3 kota, kau masing-masing ada akal apa boeat kasi moendoer moesoe?
Itoe waktoe ada Gwanswe nama Tjouw Ki Loen ngadep berkata: ja radja, djangan soesa hati, nanti hamba bawa soldadoe lawan pada moesoe dengan gampang.
Radja berkata: kalee bagitoe lekas kasi prenta koempoelin soldadoe melawan pada moesoe bole akoe enak hati dan Gwanswe Tjouw Ki Loen trima prenta bilang baik.
