— 49 —
reboet kota dan soldadoe dengar itoe prenta terboeroe boeroe petjoet koedanja jiwatin djembatan gantoeng troes masoek di dalem kota.
Komedian Oeiti Kiong liat anaknja dapet reboet itoe kota: Masing-masing berani liwatin djembatan gantoeng maoe bereboet masoek di dalem kota.
Serenta Pa Touw Dji liat moesoe mendatengin dia lantas maoe toetoep pintoe kota tiada keboeroe kena Po Lin toembak troes mati, jang laen mengamoek boenoe kiri kanan, ada jang poetoes tangannja ada jang poetoes kepala dan djidatnja dengan sabentar sadja abis bersi, masing-masing di dalem preksa goedang oewang dan goedang ramsoem ada jang kloear kasi taoe sama Gwanswe dengan radja adjak masoek di dalem kota, disitoe oewang dan ramsoem dengan ada semoea tertoelis dalem boekoe.
Oetti Po Lim troes mengadep kasi lapor pada Gwanswe jang soeda dapet itoe kota, dan Gwanswe Tjin Siok Po poedji jang 1 anak moeda poenja kegagahan dan sekalian radja Lie Sie Bin dengar mendjadi soeka hati laloe berkata : betoel Gili toeroenan panglima prang, kau poenja bapa kesohor gaga dan kau pandei Gisjauw dari toembak, kau poenja bapa tiada sebagi kau poenja kegagahan.
Serenta Oetti Kiong dengar radja soeda poe-
