— 42 —
koeda, dan ada soldadoe janga dateng tangkep, jang laen ada jang kena boenoe dan ada jang lari sampe di kota Kim Leng Tjoan, di ini kota Pek Liang Koan sampe tiada ada orangnja, Oetti Kiong dengan anaknja masoek di dalem kota, boekain serta koeda, sembari berkata: he anak lekas panggil kau poenja Ma'h boeat ketemoe.
Po Lim dapet prenta dari bapanja troes masoek di dalem kamarnja liat Ma'hnja lagi menangis, moekanja poetjet ada saperti kertas, disitoe Po Lim berkata: ja Ma'h, sekarang djangan soesa, Entia soeda ada di loear, harrp lekas kloear boeat ketemoe.
Ma'hnja sahoetin: ja anak doeloe hari dari ketjil Ma'h piara sama anak sampe besar, aken samboeng toeroenan, ini hari sampe bole ketemoe pada anak poenja bapa, djadi enak Ma'h poenja hati, tjoema sakit hati pada Lauw Kok Tjenh ada bikin boesoek Ma'h poenja nama, apa itoe bangsat soeda di tangkep ?
Po Lim berkata: ja Ma'h itoe bangsat Lauw Kok Tjenh soeda di iket ada di loear. Dan Ma'hnja berkata lagi: ja anak, Ma'h minta Laue Kok Tjeng lekas bawa kemari lebi doeloe, blakangan baroe Ma'h ketemoein pada anak poenja bapa.
Po Lim bilang baik, dia lantas kloear seret Laue Kok Tjenh bawa ka dalem. Dan Lauw
