— 39 —
Tjiangkoen blon sampe dapet kota Pek Liang Koan kenapa soeda kombali?
Oetti Kiong menjaoet: itoe Pak Hoan poenja Siauw Tjiang ada saja poenja anak, maka kni hati berprang dia poera-poera lari ka tempat jang sepi, bapa dan anak baroe berkenal, saja poenja bini she Bwe ada di kota Pek Liang Koan, ja soeda berdami pada itoe anak bikin satoe akal, sekarang kita disini kasi kloear bala tantara poekoel itoe kota, nanti itoe anak dari dalem bantor samboey dan roesaken djembatan, berame djadi bole troes masoek di dalem kota Pek Liang Koan seperti soeda dapet di tangan kita.
Serenta Tjiong Tjiang jang larn dengar lantas soeka hati dan Gwanswe Tjin Siok Po menanja lagi: apa betoel ada ini perkara? kenapa Tjiangkoen poenja anak bole ada di ini negri, begimana moelahnja ?
Oetti Kiong kasi taoe satoe per satoe tempo ja berpisa pada bininja jang lagi boenting; sasoedanja Gwanswe dengar baroe dia mengarti trang dan troes kasi 1 bendera (Lengtji) dengan pana prenta balatanranja berame kloear pegi reboet kota Pek Liang Koan dengan pesen misti hati-hati, djangan teledor: dan orang-orangnja menjaoeti trima prenta bilang baik; disitoe ada
