— 37 —
„Phi“ dia liat anaknja soeda begitoe besar ini hari baroe ketemoe lada kita, lantas Oetti Kiong toeroen dari koedanja berkata : ja anak, ini hari Entia baroe ketemoe anak poenja moeka, dapet beroentoeng besar, dari Entia berpisa pada anak poenja Ma'h Entia dapet banjak soesa, baroe sekarang Radja kasi pangkat, soeda seringkali Entia soeroe orang pegi di Afdeeling Moa 1 Koan tjari anak poenja Ma'h tiada bole ketemoe, Entia pikir berpoeloe tahon soeda soeroe tjari di koeliling ampat pendjoeroe tiada bisa dapat kabar satoe apa, tiada njana ini hari anak ada di ini negri Pak Hoan, kenapa bole sampe disini, dan sekarang anak poenja Ma'h ada di mana ?
Po Lim menjaoet: ja Entia, dari Entia pegi Ma'h di dalem roema dapet sengdara, tiada kira kena bangsat Laiw Kok Tjenh reboet bawa lari sampe di sini, dengan paksa pada Ma'h, dan Ma'h ada ingetan maoe matiin dari djangan soepaja Ma'h mendjadi boesoek, dan Ma'h ingat di badannja lagi boenting, takoet poetoes Entia poenja toeroenan, djadi apa bole boeat dia toeroet pada Lauw Kok Tjenh, membelahken pada saja, soepaja bole ketemoe pada Entia, ja saja trima djadi anak Poethaue (koerang adjar) saja minta Entia djangan mendjadi goesar.
Setelah Oetti Kiong dengar dia ada kaget dan ada soeka hati, seraja berkata: he kiranja be-
