— 252 —
Thia Kauw Kim: O! soedara djangan kwatir ini ada atas saija poenja tanggoengan jang tentoe saija tjari-in mantoe satoe orang hartawan dan bangsawan.
Soe Taij Naij: — bae lah kaloe begitoe, kapan boleh dapet?
Thia Kauw Kim: ja sekarang saija maoe poelang lebih doeloe, besok nanti saija kasi kabar. Serta abis bitjara lantas Thia Kauw Kim kasih slamat tinggal troes kloewar djalan poelang dan Soe Taij Naij djoega anter sampe di pintor loewar.
Maka Thia Kauw Kim A1sepoelangnja dari gedong Soe Taij Naij, lantas Thia Kauw Kim dateng mengadep di hadepan Keizer Lie Sie Bin, serta berkata: — Banbaswee ija! saija Thia Kauw Kim dateng beroendjoek taoe harep Banbanswee ija soeka irima.
Mendjawab Maha radja Lie Sie Bin: — Thia Ongheng, angkau ada raportan apa lekas boleh kasih taoe sadja.
Berkata Thia Kauw Kim: — hamba lagi kemaren ada pergi bertamoe di gedong Lo Seng, maka hamba ketemoe Teehoe Hoedjin (istrinja Lo Seng) bri taoe pada hamba katanja: jang tempo doeloe hari lakinja tempo masih hidoep ada banjak membelah negrih serta dapet gandjaran besar, dari itoe dengen sewaktoe dari sebab membela negrih dapet kematiannja; dengen ada tinggalin satoe
