— 247 —
kanan dan minoeman) boeat mengoendang sekalian familie dan ambtenaar radja (Tjiong Wie Kok Kong) aken bikin pesta besar dalem ini astana. Komedian Maha radja prentah lagi pada goanswee Tjin Siok Po: — he Tjin Ong Heng itoe bala tentara jang lagi menoenggoe di tanah lapang jang baroesan poelang dari peprangan, harep boleh kasih marika itoe semoea poelang di masing-masing poenja roemah aken ketemoe pada sekalian anak bininja.
Apabila Goanswee Tjin Siok Po trimah prentah ia lantas mengatoer pada itoe semoea bala tentara satoe persatoe di kasih idzin aken poelang karoemah tanggahnja, serta segala pekakas peprangan seperti toembak, golok, koeda, sela dan lain lain barang lantas di masoekin dalem goedang peprangan serta di rawatin bae-bae.
Komedian di tjeritahken semoa ambtenaar militair dan civil dan familie radja pada berdjoempah di astana Kim Loan Tian aken di oendang kadalem pesta disitoe, wah! waktoe itoe Maha radja Lie Sie Bin bikin pesta bear ada amat rameh sekali, tandanja dapat menang berprang, disitoe radja sama mantri lagi doedoek makan minoem tiada di tjeritahken pandjang, sehabisnja Maha radja dan ambtenaar semoea bermakan minoem, lantas masing-masing ia pada poelang karoemahnja sendiri.
