— 243 —
bole lekas kloear djangan tinggal lama lagi disini.
Demikian Lo Tong trima baginda poenja prenta ia troes kloear dan pegi di dia poenja benteng sendiri, maka Maha-radja Lie Sie Bin lantas prenta kombali jang itoe bangkenja To Lous Kiongtjoe di soeroe rawatin bae-bae troe di koeboer, maka waktoe itoe Thia Kauw Kim bersama Tjin Siok Po jang trima prenta troes kloear, satelah sampe di loear maka kadoea orang itoe laloe ketemoe kapada Lo Tong, maka disitoe Tjin Siok Po lantas tjomelin berkata: — he anak botjeng kau begitoe hati besar dan koerang adjar, sekarang kau poenja pangkat soeda di lepas tiada ada goenanja lagi malaenken sampe toea kau boleh tinggal di roema kau sendiri boeat rawatin kau poenja Ma'h toea sadja.
Lo Tong: — Pehoe, itoe troesa di boeat kwatir memang hamba paling soeka, djikaloe tinggal di roema sendiri
Maka waktoe itoe di pinggirnja ada Thia Kauw Kim jang denger Lo Tong poeja perkataän lantas dia berkata: — he anak koerang adjar! djikaloe angkau soeka tinggal di roemamoe sendiri, kenapa itoe tempo kau maoe reboet tjap goanswee koetika di tana lapang bikin kami poenja kepala poesing sadja, soenggoe kasian itoe prampoean To Louw Kiongtjoe saorang berboedi serta gaga perkasa jang soeda di
