— 241 —
betoel itoe To Louw Kiongtjoe soeda memboenoe angkau poenja soedara aken tetapi dia poenja gandjaran jang soeda menoeloeng padaoe itoe kami rasa soeda sampe, aken sekarang ini kadoea negri soeda mendjadi accoord, O! sekarang betoel kasian sekali pada itoe prampoean jang begitoe pande soeda mati tiada kroewan, dan kenapa angkau begitoe brani bikin mati padanja. Maka sehabisnja bitjara baginda radja Lie Sie Bin lantas prentaken dia poenja algodja soeroe bawa Lo Tong di tana lapang aken boenoe.
Maka di waktoe Lo Tong hendak di bawa di tana lapang maoe di boenoe dan tiada sekali ambtenaar jang blas kasian pada Lo Tong boeat mintaken ampoen di hadepan baginda radja, malenken ada sa-orang bernama Thia Kauw Kim oleh kerna dia itoe inget koetika aoe pegi di Tiang An boeat minta soldadoe bantoean, di waktoe itoe Thia Kauw Kim ada ketemoe pada Mahnja Lo Tong jang Mahnja Lo Tong pesen di kirimken Lo Tong soepaija mendjadi slamat, dari sebab itoe Thia Kauw Kim inget maka dengen sigra lantas Thia Kauw Kim madjoe di hadepan baginda radja dengen berloetoet aken mintain ampoen katanja: — ja baginda betoel itoe Lo Tong dia poenja kesalahan ada besar sekali jang patoet baginda bole kasi dia hoekoeman boenoe, aken tetapi koetika hamba pegi di Tiang An minta sol-
|
Lo Tong,
|
16. |
