— 23 —
tadi Lauw Kok Tjeng kena akoe poekoel lantas moenta dara ampir mati, djangan sentara kau ini satoe andjing ketjil, bole ada ingetan idoep. Dan Lauw Po Lim sahoetin: he andjing kau djangan banjak tjerita, lantas sadja Lauw Po Lim toembak dan Oetti Kiong djaga dengan tanja : kau ini anak ketjil siapa nama?
Lauw Po Lim menjaoet: O! kau ini tanja akoe poenja nama, apa kau maoe, jang tadi kau poekoel itoe Lo Tjiang Koen akoe poenja bapa, akoe ini nama Lauw Po Lim, apa kan taoe akoe poenja kegagahan? sekarang kau bole toeroen dari koeda serahken kau poenja djiwa, djangan sampe akoe djato tangan.
Oetti Kiong dengar mendjadi mara petjoet koedanja mengadep ke moeka troes toembak dan lauw Po Lim tangkis sampe toembaknja Oetti Kiong meleset ka pinggir dan Oetti Kiong dari pinggir melawan dengan kras; berdoea prang ada 50 djoeroes troes sampe di tenga lapangan; itoe tempo kliatan mata hari soeda toeroen dan Lauw Po Lim boeka satoe swara kata: ajo, betoel gaga ini orang toea! Oetti Kiong berkata: he kau ini apa ada lagi kau poenja kebisaän, bole kasi kloear sama sekali? sama-sama berprang toembak beradoe dengen toembak dan gembolan beradoe dengen gembolan Oetti Kiong tertawa sadja sembari berkata: he
