— 235 —
Tjin Siok Po, maka penganten itoe lantas mendjalanken adat bagimana biasa ambtenaar tjina jang berhadjat phatoeran kawin, maka serta soeda selese maka Thia Kauw Kim kadoea Tjin Siok Po lantas balik kombali pegi di peseban Pek Houw Tian aken berminoem arak.
Komedian di tjeritaken waktoe itoe ada 8 orang boedak prampoewan jang toeroet pada Kiongtjoe maka itoe 8 orang boedak serta liat soeda moelai malem maka itoe 8 boedak lantas kloear dari kamar, sehingga tinggal Kongtjoe berdoea Lo Tong jang ada di dalem, maka waktoe itoe Lo Tong liat moekanja To Louw Kiongtjoe lantas ingat panasaran jang soeda boenoe pada soedaranja, laloe merasa sakit hatinja maka di sitoe Lo Tong lantas boeka soewara bermaki-maki: — he soendel prampoean kenapa angkau soeda brani boenoe akoe poenja soedara jang baroe oemoer 9 tahon, sekarang akoe tiada bales itoe hati soeda broentoeng sekali apa lagi sekarang angkau begitoe brani hendak berkawin pada akoe sekalian angkau gantiken djoega akoe poenja soedara dan akoe masi tiada maoe trima kawin padamoe!!
Satelah To Louw Kiongtjoe mendenger lantas mendjadi kaget laloe panggil: — he Lo Tong! betoel angkau ada sa-orang jang koerang trima dan tiada taoe adat! kenapa doeloe hari koetika
