— 233 —
Sjahdan baginda radja Lie Sie Bin denger perkata-an itoe djoega menoeroet girang hatinja, laloe prentahken soeroe tjari hari jang bae, maka Thia Kauw Kim troes prentahken lantas kedapetan jang di boelan tjina Pee Gwe Tjap Gouw Djit ada hari jang paling bae boeat mengawinken ija djikaloe di toenggoe di boelan Pe Gwe Tjap Gouw Djit tentoe ada lama sedikit, aken tetapi di dalem tjerita soeda lantas sampe harinja di waktoe Pee Gwe Tjap Gouw Djit, maka baginda radja Lie Sie Bin lantas prentahken soeroe bikin sedia barang barang apa jang perloe misti di pake di waktoe hari kawin.
Komedian di itoe harinja djoega mantri To Hong dengen sigra bawa To Louw Kiongtjoe masoek ka kota Bok Jang Shia, maka ada lah goanswee Tjin Siok Po jang sigra papak dan troes mantri To Hong di adjak mengadep.
Sjahadan maka mantri To Hong barang mengadep baginda radja maka dia itoe lantas panggil: — ja baginda radja hamba bernama To Hong. harep baginda dengen berkatnja Toehan mendjadi slamat pandjang oemoer.
Maka waktoe itoe baginda radja Lie Sie Bin meliat lantas panggil Oetti Kiong di prenta adjak To Hong pegi di peseban Pek Houw Tian aken temenin berminoem arak, disitoe mantri To Hong
