— 220 —
Maka waktoe itoe Goanswee Tjin Siok Po trima baginda radja poenja prenta troes berloetoet di moeka medja sembaijang.
Komedian di tjeritaken sehabisnja sembaijang lantas baginda radja Lie Sie Bin troes soeroe sediaken arak dan makanan aken bikin pesta besar mengoendang segala ambtenaar famili radja beserta semoea panglima moeda besar dan ketjil misti menoeroet dateng di itoe medan pesta, tempo itoe radja bikin pesta ada terlaloe amat ramenja, sekalian moeziek dan taboean tjina semoea ada sampe kedengeran swaranja jang amat merdoe sekali.
Maka koetika lagi sedeng berminoem disitoe baginda radja Lie Sie Bin lantas berkata kapada Thia Kauw Kim: —he Thia Ong Heng sekarang kami menanja begimana tempo doeloe jang lagi angkau pegi di Tiang An boeat minta bala bantoean, tjoba kasi tjerita kerna kami kepengen taoe?
Thia Kauw Kim:— sendiri hamba trima baginda poenja prenta boeat minta soldadoe Roeloengan pegi di Tiang An, serta hamba sampe di tempat bentengnja moesoe lantas hamba mengamoek kalang kaboet maka waktoe itoe datenglah moesoe pahlawan bernama Tjouw Kie Loen bawa dia poenja sendjata kampak, terlaloe amat gaganja, baenja sadja hamba poenja sendjata kampak ada sa-orang dewa jang menjandingken maka djadi
