— 212 —
kerna dia meliat glagatnja begitoe roepa dan jang mana masi idoep masing-masing lepas sendjatanja troes lari sipat koeping hendak melindoengken dirinja sendiri.
Demikian di tjeritaken Goanswee Lo Tong lagi mengamoek seperti sampi gila menoeroet djalannja di blakang To Louw Kiongtjoe, apabila barang sampe di deket bentengala Thia Kauw Kim, maka Lo Tong lantas boenjihken dia poenja marijam ini swatoe tanda jang boeat Thia Kauw Kim mendjadi taoe jang di loear soeda ada moesoe.
Maka Thia Kauw Kim lantas adjak sekalian dia poenja Kongtjoe panglima moeda (Tiong Siauw Eng Jong), aken bersama-sama kloear boeat taroengken moesoe, sahingga berame lantas hantem bala tentaranja moesoe sampe kalang kaboet.
Komedian bala tentara radja Po Kong Ong merasa tida bisa tahan lagi troes lari, kira ada 10 paal djaoenja, soenggoe kesian sekali moesoe poenja soldadoe begitoe banjak jang mati, dan jang loeka sekalian marika itoe lari djoega tiada loepoet di soesoel dan di bikin mati, adalah seperti boea-boea jang blon sampe oemoernja soeda rontok dari dia poenja poehoen.
Arkian gwanswee Tjin Siok Po meliat moesoe soeda pada lari lantas di prenta soeroe poekoel tamboer brenti prang, serta masing-masing mendenger lantas poelang kadalem kota Bok Jang Shia.
