— 208 —
Kiongtjoe soeda doeloe-in tangkep Souw Teng Hong troes di pasrahken di hadepan Lo Tong trima Souw Teng Hong itoe, maka dengen sigrah lantas panggil Oettle Kiong dengen berkata: — He Oettie Pehoe! ini bangsat Souw Teng Hong sekarang soeda dapet di tangkep ini dianja, harep Pehoe bole bawa di hadepan baginda.
Sjahadan Oettie Kiong trima tangkepan itoe bangsat Souw Teng Hong, maka lantas di bawa di hadepan kraton Gin Loan Tian, aken ketemoe baginda radja dengen berloetoet katanja: — Ja baginda, itoe bangsat Souw Teng Hong sekarang soeda kena di tangkep.
Radja Lie Sie Bin: Bae lal, aken tetapi lebih doeloe misti toenggoe Goanswee Tjin Siok Po dari tempat medan peprangan nanti baroe kasi dia hoekoeman boende.
„Tjerita Goanswee Tjin Siok Po kloear membawa bala tentara-nja maka barang sampe di satoe tempat djembatan gantoeng, disitoe ketemoe kapada Goanswee Lo Tong, maka waktoe itoe Goanswee Tjin Siok Po lantas berkata: — He tjoetjoe, sekarang lebih bae kita dengen soenggoe hati boeat membela aken hantem ini moesoeh soepaija dapet kemenangan.
Apabila Lo Tong mendenger perkataan itoe lantas mendjadi besar hatinja, laloe petjoet dia poenja koeda troes madjoe masoek ke-dalem
