— 205 —
koewasa mendjaga pintoe kota ja-itoe Gien Kok Kong Souw Teng Hong.
Demikian waktoe itoe kebetoelan ada Oettie Kiong jang mendenger lantas berkata: O ! kenapa Şouw Teng Hong begitoe brani tiada lekas dateng melapor, begitoe brani tahan bala bantoean tiada di kasi masoek, ini kentara itoe bangsat melanggar atoeran, nanti hamba pegi tangkep padanja. Maka se-abisnja Oettie Kiong berkata lantas sela-in dia poenja koeda pegi madjoe ka-pintoe kota jang sebla koelon.
Maka tatkala itoe Koensoe Tjie Bouw Kong lantas prenta Goanswee Tjin Siok Po, katanja:, — sekarang lebih baik Goanswee malem-malem pegi bawa bala tantara boeka pintoe kota aken kloear boeat membantoe.
Sjahadan Goanswee Tjin Siok Po trima prenta lantas adjak lima orang panglima prang dengen bertoenggang koeda, masing-masing bawa sendjatanja dengen pasang obor jang trang teriring dengen bala tantara, laloe boeka pintoe kota troes kloear.
Komedian di tjeritaken Goanswee Lo Tong di pintoe jang sebla koelon lagi berprang kras kapada Goanswee Tjouw Kie Loen, samantara kebetoelan dateng To Louw Kiongtjoe lantas madjoe di hadepan Tjouw Kie Loen poenja koeda dengen poera-poera berkata: — he Lo Tong angkau misti liat akoe poenja golok, sekarang akoe hendak
