— 203 —
Demikian radja Po Kong Ong denger itoe perkataan di rasa betoel, maka lantas ija membri idzin: — Ja betoel sekali harep angkau bole lekas pegi membantoe.
Komedian To Louw Kiongtjoe dapet idzin lantas naek dia poenja koeda dan bawa dia poenja sendjata golok Siang Kie To laloe kloear menoedjoe ka-tempat medan peprangan, maka To Louw Kiongtjoe menengok kliatan betoel orang lagi berprang. disitoe To Louw Kiongtjoe bertreak kapada Tjouw Kie Loen: — he Goan swee sekarang saija dateng boeat membantoe aken menangkep kapada Lo Tong.
Serta Tjouw Kie Loen meliat To Louw Kiong tjoe dateng lantas dia kasi djalan boeat To Louw Kiongtjoe madjoe ka moeka.
Tjerita di dalem kota Bok Yang Shia Sri baginda radja Lie Sie Bin selagi berdoedoek pada Koensoe Tjie Bouw Kong maka baginda lantas berkata: — he Koensoe jang doeloe-doeloe angkaw poenja petangan di rasa semoea betoel tiada ada jang sala, aken tetapi ini sekali betoel angkau poenja petangan kliatan njata salanja.
Tjie Bouw Kong: — begimana baginda bole taoe jang sekali ini hamba poenja petangan ada sala?
Radja Lie Sie Bin: — oleh kerna Koensoe soeda bilang jang Thia Ong Heng pegi minta soldadoe pertoeloengan ini hari poekoel 8 sore misti
