— 196 —
goloknja lantas sigra samperin aken hantem kapada Lo Tong, sahingga bertiga itoe mendjadi berprang dengen kalang kaboet maka itoe 2 panglima moesoeh djoega orang gagah bertamba pande Gisiauwnja, dan Lo Tong memang ada satoe panglima moeda beserta tamat Gislauwnja, kendatinja dia soeda tjape djoega dari sebab kliwat tjepatnja dia mendjalanken Gisiauw toembaknja sahingga Tjoan Mo Oe kena di toembak di pinggir dadanja troes djato dari koeda lantas mendjadi matinja. Maka Jauw Mo Oh meliat begitoe maka dengen terboeroe napsoe aken menerdjang kapada Lo Tong dengen goegoep maka Jauw Mo Oh kena lagi Lo Tong toesoek badannja dengen toembak, ini Jauw Mo Oh tjoema bisa bertreak satoe kali berkata: — tjilaka troes djato dari koeda lantas mati.
Maka Lo Tong meliat itoe 2 moesoeh soeda meninggal doenia, lantas di dalem hatinja mendjadi girang, dan angkat kepalanja menengok ke-atas kota berkata: Ja Souw Lope boleh toeloeng lekas boekain pintoe kota, kesian lah pada saija, kerna saija sekalian saija poenja koeda soeda mendjadi kliwat tjapenja.
Apabilah di waktoe itoe Souw Teng Hong lantas berpikir di dalem hatinja: — He ini anak soendel memang djoega kami hendak keniaija bikin dia mati maka kami tiada maoe boeka-in
