— 183 —
Maka waktoe Lo Tong lagi beromong-omong samantara datenglah toekang membawa kabar melapoer: Ja Goanswee sekarang di tandjakan Oeij Liong Niah poenja tentara semoea soeda lari, blon taoe dia orang pake akal begimana.
Apabila Goanswee Lo Tong mendenger begitoe memang djoega dia soeda taoe jang To Louw Kiongtjoe maoe pegi di kota Bok Jang Shia. Komedian di waktoe itoe kabetoelan itoe ampat boedak pangikoetnja Lo Djin hendak minta poelang, maka disitoe Lo Tong lantas kirim satoe soerat serta berpesen: — djikaloe angkau sampe di roema bole kasi taoe pada akoe poenja mama, harep djangan boeat kwatir tiada lama lagi djoega akoe poelang tentoe jang akoe lantas bawa kepalahnja To Louw Kiongtjoe boeat sembaijangken kongtjoe Lo Djin.
Sjahadan ampat boedak itoe trima soerat dengen pesenan laloe kasi slamat tinggal iroes
brangkat poelang berdjalan menoedjoe ka kota radja (Tiang An), maka di waktoe itoe djoega Gwanswee Lo Tong lantas kasi prenta pada sekalian panglimanja dan balatentara misti lantas brangkat madjoe ka-kota Bok Jang Shia.
