— 179 —
seraken pada-moe, djikaloe angkau tiada soeka boeat kawin akoe djoega masa maoe taloek padamoe, sekalian angkau poenja djiwa djoega ada di bawa ini Hoeij To tjobalah angkau soeka berkawin pada akoe nanti akoe bantoe dari dalem boeat hantem, kloearken angkau poenja radja soepaija lekas bole ija poelang di negrinja boekan itoe angkau dapet gandjaran jang besar? sekarang djikaloe angkau tiada soeka boeat toeroet akoe poenja kehendakan nistjaijalah akoe lantas boenoeh padamoe sekalian angkau poenja radja nistjaija tiada bisa poelang, apa lagi itoe angkau poenja semoea panglima djadi telantar.
Demikian Lo Tong denger perkataän itoe lantas berpikir di dalem hatiuja: O ini seorang prampoean betoel tiada poenja maloe, sekarang lebih bae kita tjari satoe akal soepaija kita bisa sampe di kota Bok Jang Shia aken menoeloeng baginda radja.
Maka waktoe itoe Lo Tong lantas poera-poera trima sambil berkata: — Ja djikaloe Kiongtjoe soeka kapada saija dan apa bole boeat saija soeka trima booat kawin, aken tetapi djikaloe Kiongtjoe ada dengen soenggoe hati harep itoe Hoeij To angkau bole boewang di kali baroe lah saija maoe pertjaija betoel.
To Louw Kiongtjoe: — Ja Siauw Tjiangkoen, djikaloe angkau betoel hendak trima kawin pada
