— 176 —
saja tiada maoe mendjadi orang! Maka Lo Tong se-abisnja berkata lantas petjoet ija poenja koeda troes ia madjoe katempat medan peprangan. Maka To Louw Kiongtjoe meliat ada dateng lagi sa-orang panglima prang moeda kira oemoer 20 tahon, barang Kiongtjoe liat lantas ija berpikir di dalen hatinja: O, ini orang begini bagoes serta tjakep romannja, seoemoer kita blon taoe ketemoein, djikaloe boeat kita poenja laki tentoe kita orang dapet kasenangan doenia aken plesir padanja, 0, tjotjok lah dalem kita poenja hati. Maka To Louw Kiongtjoe se-abisnja berpikir lantas ija poera-poera sentak berkata : — he panglima merk Tong Tiauw lekas bilang angkau poenja nama ?
Lo Tong: Kau maoe tanja pada akoe poenja nama dan angkau soendel prampoean soeda boenoe akoe poenja soedara, sekarang akoe dateng disini hendak membales itoe wansioe. Maka sehabisnja berkata lantas Lo Tong angkat dia poenja sendjata toembak troes toesoek, disitoe To Louw Kiongtjoe lantas tahan dengen golok Siang Kie To, mendjadi berprang kira 20 djoeroesan. O, ini 2 orang ada bersama sama gagahnja djadi tiada ada jang kalah atawa menang.
Apabila selagi prang To Louw Kiengtjoe meliat Lo Tong begitoe gagah bertambah moeda dan tjakap romannja niatan Kiengtjoe hendak mengadjak kawin pada Lo Tong lantas Kiongtjoe
