— 152 —
nanja : Ja Thia Pehoe oleh kerna saija ada satoe impian djikaloe maoe bikin petja ini kota Pek Liang Koan, misti pake akal jang ber-alamat „Tangse”, aken tetapi saija blon taoe begimana ini „Tangse” boeat di pakenja, maka waktoe itoe Lo Tong lantas inget laloe ambil dalem kantongnja, maka kliatan ada sepotong kertas, serta di toelis satoe gambar seperti ana***ah, maka disitoe lantas Lo Tong kasi oendjoek di hadepan Thia Kauw Kim, maka barang Thia Kauw Kim meliat lantas ija berkata : - heran kenapa dia ada kasi tjoetjoe ini satoe roepa barang ija begimana pakenja nanti kami pikirken lebih doeloe, maka samantara Thia Kauw Kim abis berpikir lantas berkata : - O ! sekarang baroe kami inget, oleh kerna ini barang doeloe hari angkau poenja bapa jang soeda taoe pake ini roepa pana ternama „Giat Lie Keng”, memang itoe tempo angkau poenja bapa ada pake djikaloe di tempat medan peprangan lagi bertaroeng kapada moesoe, djikaloe soeda merasa kala dan ini pana bole di pake boeat hantem moesoeh, tapi misti peladjarken lebih doeloe soepaja mendjadi pande boeat melepaskennja, kaloe soeda pande boleh taro di mana kantong aken menoenggoe kapan tempo misti di pake, djikaloe soeda pande di peladjarken nistjaialah 100 kali dan misti seratoes orang kena mati, maka sekarang tjoetjoe hendak bikin petjah
