— 135 —
sendjata tameng tembaga dan prentah soeroe boenjiken mariam troes boeka pintoe kota aken kloear madjoe di tempat medan peprangan.
Demikian Djoe Joe Tek dari loear kota meliat ada satoe panglima prang jang baroe kloear, maka Djoe Joe Tek lantas sentak berkata: — he orang jang dateng . . .pa nama lekas kasi taoe?
Tieh Loeij Gin Ge: — djikaloe angkau maoe taoe akoe poenja nama, dan akoe ini Liok Kok San Tjoan Taij Lek Tjoe Taij Goanswe poenja prentah bernama Tieh Loeij Gin Ge berkoewasa djaga di ini kota:
Djoe Joe Tek: - O! sekarang baginda radja poenja soldadoe bantoean soeda dateng lebih baik lekas angkau menjera boeat bertaloek, djikaloe angkau . . .ada maoe toeroet akoe nanti bikin binasa djiwamoe sekalian hantem ini negri tjoetji bikin bresi:
Komedian Tieh Loeij Gin Ge mendenger lantas mendjadi marah laloe berkata: boeat apa angkau boeka soewara begitoe besar sekarang lekas bilang angkau poenja nama?
Djoe Joe Tek: akoe ini ada merk „Tong Tiauw” poenja Djie Louw Goanswee kasi kami pangkat Sian Hong bernama Djoe Joe Tek.
Tieh Loeij Gin Ge: — O! djikaloe begitoe angkau boekannia orang jang tersohor, angkau dateng disini pertjoema sadja nistjaja angkau anterin djiwa
