— 131 —
Toehan, bertamba poela oemoernja soeda sampe misti meninggal doenia, dan iioe tiada bole di bilang Wansioe.
Satelah kepala begal Sian Tian Siong denger begitoe lantas berlompat-lompat banting kakinja dengen marae besar berkata: — O! angkau poenja bapa boenoe akoe poenja bapa, angkau bilang boekannja Wansioe, he kaloe angkau maoe taoe itoe Wansioe jadi besar dari langit, maka Sian Tian Siong abis berkata dengen goloknja laloe hantem kepada Lo Tong, maka Lo Tong lantas tahan dengen toembaknja sambil berkata: ja Enko, harep djangan begitoe, sebab Pehoe sama kami poenja bapa ada angkat soedara (Kiat Gie Heng Tee) dan kita sama djoega mendjadi soedara, maka sekarang baroe ketemoe lebih bae kita mengadep kapada Thia Peboe bole kita bersama-sama pegi poekoel negri Souw Pak.
Apabila Sian Tian Siong denger begitoe lantas ia mendjadi samingkin mara, laloe berkata: djikaloe itoe Wansioe tiada maoe di bales di mana kita bole teritoeng sa-orang jang pande beserta gagah, maka lantas sadja Sian Tian Siong hantem dengen goloknja dan Lo Tong lantas djaga, kadoea orang itoe berprang kombali, maka waktoe itoe berprang Sian Tian Siong koerang bisa djaga datengnja Lo Tong poenja Gisiauw sahingga Sian Tian Siong kena Lo Tong tangkep idoep, maka
