— 11 —
mana boleh begitoe gampang boeat dapet negri Tiong Kok? Lanw Kok Tjeng berkata: he Liat Wi Tjiangkoen, kau tiada mengarti, itoe radja Lie Sie Bin dia kira sendirinja pada Oetti Kiong dan Tjin Siok Po sampe koeat, dia kira di ini negri tiada ada orang jang gaga, maka dia sendiri brani bawa soldadoe mengadep berprang, akoe tiada mengarti begimana pikirannja, disini soldadoe dan djendral semoea pagah, tiada takoet dan negri sama Tjin Siok Po dengen Oetti Kiong, nanti dia dateng poekoel kota Pek Liang Koan. Kita-tangkep idoep-idoep dia poenja radja dengen mantrinja kasi oendjoek sama kita poenja radja, bole dapet gandjaran besar. Orangnja denger soeka hati troes berkata: ja Taij Lo Ya soepaja hati-hati, dia pantas moendoer.
ltoe tempo Lauw Kok Tjeng prenta sedia banjak batoe dan pana kapan moesoe sampe lekas kasi taoe pada akoe dan orangnja menjaoet bilang baik lantas djaga kras di moeka kota.
TJERITA SIAN HONG THIA KAUW KIM.
Bawa 10,000 soldadoe menoedjoe ka negri Pak Hoan kloear dari kota Gan Been Koan kira 2 hari poenja djalanan ada soldadoe kasi taoe jang di moeka itoe ada kata Pek Liang Koan, dan Thia Kauw Kim berkata: ja soeda sampe di
