Ado sabanta antaronyo, ka rumah amai Gadang, balari Nurani ka rumah, ka rumah pulo mandeh Nurani, dikambagkan lapiak pandan putiah, disorongkan siriah dicarano.
Lah duduak amai Gadang, dikaluakan uncang siriah, sanan bakto amai Gadang, “Oi kakak kunyahlah siriah nangko, siriah den dari rumah.”
Lah sudah bakunyah siriah, bakato amai Gadang,
“Bukan den kinari sajo
Kinari anak rang Pdang;
Bukan den kamari sajo
Gadang ukasuik ka dijalang”
Manjawab mandeh Nurani, bakato babuah pantun,
“Lapeh dari kampuang Jati,
Handak manjalang paratian:
Apo mukasuik dalam hati
Nak sanang pulo paratian.”
Manjawab pulo amai Gadang,
“Tabukak kabun di Rambatan
Tampak nan dari gulang-gulang
Kakak manaruah ayam kinantan
Kami mamuik mambaok pulang,”
Manjawab pulo mandeh Nurani,
“Anak unggeh di ateh dahan
Hinggok di batang buah kuini;
Iyo manaruah ayam jantan
Balun balago musin kini.”
Bakato amai Gadang, “Manolah kakak Saudah, mukasuik datang kamari, sudah taniat dari dahulu, samso si Saba ketek, maambiak inyo ka minantu, ka kawan Siti Kalasun,
4
