— 376 —
Kwe Keng dengen tangan mamegang pedang laloe masoek paling doeloe dan hamperi itoe idoea orang jang ada di depan pembaringan. Tapi Oan Swie satelah liat padanja, lantas tioep dari kadjaoean, hingga itoe Todjin djadi sempojongan dan lantas djato di tempat tidoernja Hoensi Moong.
Dalem sakedjeb itoe Kwe Keng soeda djadi poeles sabagi babi. Di atas randjang tida kadengeran Jaen dari pada soeara menggeros-gerosnja.
Orangnja Lie Liang-sih jang berdjoembla doeapoeloe lebi, jaitoe bebrapa belas orang jang bawa ember sembari kepret-kepretin itoc barang kotor ka dalem kamar dan jang bebrapa belas lagi dengen membawa pentoeng lantas menerdjang masoek sambil bersoerak-soerak dengen soeara rioeh.
Dalem itoe kamar soeda djadi gelap. kerna sasoedanja tioep moekanja Kwe Keng dengen hawa adjaib, Oan Swie faloe pademken api, hingga dalem itoe kamar djadi petang.
Koetika itoe di locar ada bebrapa belas pengikoet jang berdiri sambil pegang bonggolan, kerna Liang-sih tida kasi marika bersendjata barang tadjem, seban koeatir kaloe djiwanja itoe doea orang djadi binasa, pahalanja tida begitoe besar sabagimana kaloe ia bisa dapet tangkep kloep. Dan wakioe itoe, itoe pembesar soeda doedoek di kantorannja, aken menoenggoe datengnja ia poenja orang jang membawa itoe doea tawanan.
Dengen hati girang ia doedoek menonggoe sambil omong-omong pada itoe oetoesan, dan an-
