— 349 —
gra djoega ditoeroet, dimana orang laloe tjokelin satoe lobang ketjil dan pendem itoe boea.
Kwe Keng masi berdiri dengen koeatir, kerna tida taoe apa jang satroeaja nanti berboeat. Itoe waktoe kaliatan Oan Swie ambil satjangkir aer dan sirem tiga kali dari atas itoe panggoeng ka tana tempat di mana itoe boea tadi tertanem.
Dalem sakedjeb, sigra djoega dari itoe tana kaloear saroepa poehoen ketjil jang berdaon doea Tingginja poehoen itoe kira-kira sadjengkal. Kamoedian naek............. naek......... naek.......... dengen pelahan, poehoen itoe soeda satenga depa dan daonnja poen soęda ada bebrapa lembar.
Begitoelah saban saät atawa secondo poehoen tho jang ketjil itoe djadi samingkin moeloer dan tinggi, dengen mengaloearken banjak tjabang-tjabang di kiri kanan, hingga dalem tempo satengah menit sadja soeda djadi sadepa lebi dan penonton dari tempat jang djaoean poen dapet meliat.
Orang semoea djadi merasa heran. Sedeng Kwe Keng Todji merasa sedikit legah di hati, kerna pikir: Oan Swie tentoe tida nanti binasaken djiwanja, kema apa jang dipertoendjoeken ini, tjoema kasaktian maen-maen seperti toekang soenglap oendjoeki kapandeannja. Tapi toch dalem hatinja ada mengalem, baboewa moesoe itoe ada mempoenjai ilmoe jang tinggi, jang ia sendiri tida mengarti ilmoe apa adanja itoe.
Sembari berpikir begitoe. itoe poehoen tida
