— 92 —
loe ia melawan tentoe kau djadi maloe, paling betoel kaloe bisa kau kasi adjaran dengen perkataan jang manis soepaja Thian Hok bisa berbalik hatinja, kerna mengadjar anak dengen goenaken kakerasan boekan itoe anak djadi takoet sebaliknja nanti djadi nekat; seande ia poenja nekat tjoema minggat sadja masi tiada apa, tetapi kaloe ia boenoe diri, apa akoe djadi orang toea boleh enak dengernja? Lagi orang loear nanti tjela kau poe- nja perboeatan. Paling betoel kau soeroe ia poelang sadja, nanti disini akoe jang adjar padanja."
Lagi sekali Sie An berdjandji nanti perhatiken pesenannja itoe orang toea, kamoedian ia berdjalan masoek ka kamarnja sendiri dengen tarik napas pandjang pendek sembari moeloetnja menjomel kalang kaboet. Lie Si jang soeda dapet taoe kenapa soeaminja begitoe mara, lantes samperin ini soeami maksoednja maoe kasi nasehat soepaja sang soeami tiada begitoe goesar pada si Thian Hok, dengen berkata:
„Soeamikoe, atas kesalahan Thian Hok, harep pandang kau poenja iboe jang, soeda toea, djangan sekali kau poekoel, kerna maski Thian Hok begimana djahat, toch ia ada kita poenja anak djoega. Dalem itoe hal, kau djoega toeroet bersala, kenapa baroe maoe tjariken pasangan sasoedanja anak beroemoer doeapoeloe taon? Doe-
