— 85 —
lantes boeka boekoe-boekoe dan moelai bekerdja sebagimana biasa.
**
Sekarang marilah pembatja ikoet pada kita boeat meliat pada Liem Sie An jang semendjek poelang ka Tiongkok kita soeda tinggalken lama sekali.
Sie An sesampenja di Bwe-koan, laloe tjeritaken sama iboe dan istrinja tentang tjari satoe gadis boeat Thian Hok, jang oleh ini kadoea orang ada disatoedjoe.
„Menoeroet akoe poenja pengliatan,” kata iboenja Sie An, „anaknja Tjoen Kiat jang tinggal di Siauw-kouw-tin ada sembabat pada Thian Hok, selaennja ia poenja roepa ada tjakep, tetapi ada taoe djoega mata soerat, satoe hal jang bergoena sekali boeat dagang, kerna ia bisa gantiken soeminja djaga toko, kaloe sang soeami ada dalem bepergian.”
„Boeat itoe oeroesan akoe seraken pada iboe sadja,” kata Sie An pada iboenja. „Iboe tentoe ada lebi taoc dari akoe, anak prempoean siapa jang sembabat boeat Thian Hok. Tetapi apa iboe soeda taoe brapa oemoernja dan siapa namanja itoe anak?”
„Kaloe akoe tiada kliroe, oemoernja baroe lima belas taon, namanja Kim Lian. Tingka lakoenja, baek adatnja ada baek sekali. Pendeknja kan ten-
