— 82 —
Dari omongannja Hek-kat kita soeda lantes bisa taoe, bahoea soeda lama ia bikin perhoeboengan djelek pada Tong Kim Sioe. Sedari masi Sie An ada di Siam sering-sering Tong Kim Sioe samperin Hek-kat, tetapi perboeatannja tiada dapet diketahoei oleh Sie An lantaran ini doea menoesta ada bisa sekali membawa rol. Apa poela blakangan Sie An poelang ka Tiongkok, semingkin sering ia dateng pada Hek-kat.
Memang djoega maski Hek-kat boekan ada toeroenan djelek, tetapi kerna Sie An soeda beroesia tinggi, ia tiada begitoe tjinta, jang dalem perkara kaplesiran tiada begitoe diopen oleh Sie An dan lebi perloeken oeroes toko sadja. Berbeda dengen Tong Kim Sioe, ia ada saorang jang boleh dibilang lelaki gaga, dalem oesia pada Sie An ia ada lebi moeda banjak, maka tiada heran kaloe Hek-kat jang moeda ada lebi tinta pada Tong Kim Sioe.
Sedeng Hek-kat baroe maoe doedoek makan, mendadak boedjang kasi taoe Tong Kim Sioe dateng, jang lantes disilaken doedoek oleh Hek-kat seperti djoega ia poenja soeami sendiri.
„Begimana kita poenja pakerdjaan?" menanja Hek-kat sasoedanja Tong Kim Sioe doedoek deketnja.
„Akoe sceda atoer beres. Sekarang Thian Hok akoe liat saben malem pergi pada Koei Hoa, dalem oeroesan di toko ia tiada begitoe open lagi. Akoe
