— 75 —
„Dengen senang hati akoe soeka dengerin," menjaoet 'Thian Hok.
— „Engko Thian Hok liat akoe tentoe kira akoe ini ada senang sekali, kerna makan pake semoea ada. Kaloe kau pikir begitoe, njata sekali kau kliroe. Saben hari akoe pikirken nasibkoe, akoe djadi sedi sekali. Tjoba pikir, apatah goenanja dengen ini semoea pakean rebo, makan enak doeit banjak, sedeng diri ada masoek dikalangan hina?"
Sembari oetjapken ini perkataan, keliatan Koei Hoa melele aer mata, hingga Thian Hok toeroet tarik napas.
„Soeda lama akoe maoe pergi dari ini tempat," kata Koei Hoa kamoedian satelah tepas aer matanja, tetapi akoe koeatir lantaran blon poenja senderan jang nanti trima dirikoe. Akoe merasa girang sekali kaloe orang soedi boeat boedjang, asal sadja akoe djangan ada disini; betoel ada bebrapa orang kaja jang maoe piara padakoe, tetapi semoeanja maoe djadiken akoe bini moeda, satoe hal jang sekali-kali boekan ada maksoed hatikoe, maka akoe soeda toelak itoe semoea dengen alesan nanti akoe pikir doeloe. Akoe maoe biar miskin asal satoe sama satoe. Kaloe seandenja akoe memaksa djoega berlaloe, tentoe si batauw tiada maoe kasi, dan kaloe akoe minggat, tentoe ia panggilin politie kerna akoe ia soeda be-
