— 63 —
medja makanan, kaloe ternjata banjak orang jang dateng, boleh soeroe lebian."
Tong Kim Sioe lantes berlaloe dari hadepan Thian Hok boeat mengoeroes pakerdjaannja sedeng Thian Hok pergi ka blakang aken mandorin koeli-koeli bekerdja masoekin barang-barang ka dalem goedang.
Besoknja sore-sore Tong Kim Sioe berdoea Thian Hok soeda ada di itoe bio mengoeroes segala kaperloean boeat itoe pesta, dimana tiada tama ada banjak orang soeda dateng, jang disamboet oleh Thian Hok dengen manis dan disilaken doedoek dimedja thee.
Permaenan jang dipanggil soeda moelai kasi liat pertoendjoekannja sedeng muziek kasi denger lagoenja jang merdoe. Plahan-plahan orang jang dateng semingkin banjak, hingga Thian Hok berdoea Tong Kim Sioe djadi riboet sekali.
Sala satoe diantara itoe tetamoe ada keliatan membawa satoe prempoean moeda. Ini tetamoe ada anaknja satoe soedagar di Siam jang terkenal rojal pada prempoean hina, bapanja sanget djengkel padanja, tetapi soeda tiada bisa hoekoemin apa-apa selaennja oeroet dada meliat kelakoeannja si anak jang lebi perloeken plesiran dari oeroes toko, kerna kaloe si bapa gegerin, si mama elonin, maka tiada heran kaloe ini anak djadi ngaloendjak sekali. Satoe waktoe ia soeda perna dioesir oleh
