— 44 —
penoempang-penoempang toekar pakean dan goenaken kipas boeat dapet hawa jang dingin.
Nio Sam sasoedanja toekaran, bawa kipas boeloe gansanja kaloear djalan-djalan, sedeng Liem Thian Hck ikoet kaloear dengen bawa kipasnja jang berharga mahal dari iboenja, mahloemlah sebab ia ada anaknja satoe soedagar. Plahan-plahan ia djalan ka tempat tadi dengen pengharepan brangkali Yap Koei Hoa soeda tiada ada, tetapi apa maoe, Yap Koei Hoa masi ada disitoe sedeng menangis dan lagi diboedjoekin oleh prempoean-prempoean laen temennja, jang memang ada djadi prempoean hina boeat dibawa ka Siam.
Koetika ini prempoean-prempoean dapet liat pada Liem Thian Hok, laloe boeroe-boeroe ia adjak Yap Koei Hoa berlaloe, kerna ia ada sanget bentji pada Thian Hok, jang menoeroet anggepannja, Thian Hok soeda djadi lantaran maka Koei Hoa soeda dipoekoel. Maoe tiada maoe kepaksa Koei Hoa berdjalan djoega sembari awasin pada Thian Hok dengen roepa „mengasi".
Thian Hok dapet liat begitoe, ia poen lantes menjimpang djalan ka laen djoeroesan soepaja tiada dapet liat padanja.
Ditempat sendiri Koei Hoa djadi semingkin sedi meliat peroentoengannja begitoe tjilaka. Tempo iboenja masi idoep dan orang toeanja masi ada, ia ada sanget disajang seperti djoega barang moes-
