— 32 —
an? Kaloe akoe denger omongnja, ternjata marika ada dari laen provincie, kerna apa jang marika omongken akoe tiada taoe."
Sedeng lagi asik berpikir, Thian Hok tiada rasaken kaloe siang plahan-plahan soeda terganti dengen malem, kerna, matahari soeda moelai silem disela-sela goenoeng dan lampoe-lampoe electris dikapal moelai menjala boeat gantiken terangnja matahari soepaja didalem kapal tiada kagelapan, hawanja ada sanget panas; seperti djoega orang tidoer dibikin mendoesin dengen mendadak, Thian Hok boeroe-boeroe masoek ka kamarnja aken toekar pakean tipis soepaja tiada terlaloe kagerahan. Penoempang-penoempang jang blon biasa belajar ditenga laoetan di itoe koetika sanget koeatir lantaran meliat ombak besar damparin kapal, hingga ada banjak antaranja jang moenta-moenta lantaran terserang mabok laoet.
Kapal berdjalan sanget bergontjang, antero penoempang pada mendekem dalem kamarnja soepaja tiada terlempar ka laoet, tjoema Thian Hok saorang jang tiada mabok, maka dengen saorang diri telah doedoek dipembaringan sembari pikirin pada itoe nona manis jang baroesan.
Thian Hok denger banjak orang moenta, tetapi ia tiada ambil perdoeli, laloe ia berdjalan kaloear boeat ambil aer dan tjoetji moekanja, tetapi
