— 201 —
Ditjeritaken Liem Sie An koetika sedeng doedoek omong pada Liem Thian Hok diroemanja bersama ia poenja istri, satoe oppas post dateng bawaken soerat. Satelah Sie An liat itoe soerat betoel ada boeat ianja, laloe diboeka dan batja boenjinja kira-kira begini:
Jang terhormat ajahkoe.
LIEM SIE AN, di Bwe-koan, Tiongkok.
Bersama ini soerat akoe kasi taoe, engko Liem Thian Pouw telah dapetken iboe Hek-kat soeda berboeat djina pada Tong Kim Sioe. Sekarang iboe Hek-kat telah dioesir berdoea Tong Kim Sioe dan tinggal di satoe kampoeng jang pernanja djaoe. Menoeroet kabar jang jakoe dapet, iboe Hek-kat telah dapet sakit dan meninggal doenia, sedeng Tong Kim Sioe lantaran kena penjakit prempoean, telah djadi mati ditenga djalan.
Akoe harep ajah dapet taoe, dan akoe sekalian disini ada didalem slamet, akoe harep ajah djoega disana tiada koerang soeatoe apa.
Dari akoe,
LIEM THIAN SIOE.
„Akoe tiada njana sekali jang Hek-kat nanti bikin maloe padakoe," kata Sie An dengen roepa sabar. „Doeloean orang bilang Thian Hok poenja
