— 171 —
Sioe jang lantes pamitan poelang ka toko Hiap Tjiang.
Sesampenja di itoe toko Kim Sioe dapetken Thian Pouw sedeng mandorin koeli-koeli mengangkat karoeng beras jang baroe sampe boeat ka goedang, djadi ia tiada liat kaloe Kim Sioe soeda ada ditempat doedoeknja.
Thian Pouw titaken satoe koeli tjari Kim Sioe diplaboean Siam, kerna koetika ia kaloear taon, ia bilang maoe pergi oeroes kiriman beras jang kemaren blon dikirim dan soeda begitoe lama blon balik. Ini koeli kasi taoe Kim Sioe soeda ada di toko Hiap Tjiang sedeng menoelis.
„Heran, dalem bebrapa hari ini akoe liat Kim Sioe roepanja bingoeng sadja,” kata Thian Pouw dengen soeara menggrendeng. „Kamoedian koetika ajahkoe tanjaken itoe kiriman beras, ia bilang kapal boeat ka Singapore soeda brangkat, sedeng menoeroet katanja pembesar pabean, Kim Sioe tiada keliatan dateng di sana. Jang mana bener dari ini ketrangan? Satoe moestail itoe pembesar plaboean maoe djoestain padakoe, toch ia tiada oentoeng kaloe moesti berdjoesta? Tadi pagi-pagi- ia soeda pergi ka plaboean katanja maoe oeroes itoe kiriman, satoe hal jang tiada bisa djadi begitoe pagi kapal bakal brangkat. Baek akoe panggil padanja boeat tanjaken tentang itoe kiriman.”
Thian Pouw lantes titaken itoe koeli panggi,
