— 152 —
ti ketarik dengen itoe oeroesan, maka ia soeda tinggal diam.
Sebagimana pembatja soeda taoe poetoesan di atas perkaranja Tjit Mah, baeklah sekarang kita ikoetken perdialannja Liem Thian Hok dan Koei Hoa.
Ini doea orang maski merasa poeas dengen itoe kasoedahan, tetapi hatinja ada sanget koeatir aken pembalesan Tan Sam, itoe orang hartawan jang maoein dirinja Koei Hoa, maka sesampenya diroema marika bermoefaketan boeat djaga bahaja jeng aken dateng.
„Engko Thian Hok, kitaorang maski soeda dapet keadilan, tetapi kita orang tiada boleh tinggal anteng aken pembalesannja Tan Sam, jang soeda boleh didoega pasti, ia bakal membales.” Kata Koei Hoa. „Menoeroet akoe poenja pikiran lebi baek kita pinda ka laen negri jang dirasa lebi santosa. Sesampenja kita disana, inilah kita nanti berdaja sabisa-bisa mentjari boeat liwatken hari.”
„Akoe djoega ada poenja pikiran begitoe,” kata Liem Thian Hok. „Tetapi akoe lagi pikirin ka negri mana kita moesti pergi dan jang dirasa enak boeat tjari pakerdjaan, kerna akoe maski blon taoe bekerdja sama orang tetapi akoe mengarti oeroesan dagang, masatah orang tiada pake padakoe?”
„Dalem sebegitoe lama engko Thian Hok oeroes toko Hiap Tjiang; masatah tiada mempoenjai
